పశ్చిమాసియాలో ఉద్రిక్తతల నేపథ్యంలో, ఇరాన్ మాజీ రక్షణశాఖ మంత్రి మహమ్మద్ రెజా అష్తియాని ఇజ్రాయెల్ ప్రధాని నెతన్యాహుపై సంచలన ఆరోపణలు చేశారు. నెతన్యాహు తనపై ఉన్న అవినీతి, క్రిమినల్ కేసుల నుండి తప్పించుకోవడానికి యుద్ధాన్ని ఒక కవచంగా వాడుకుంటున్నారన్నారు. ఆయన రాజకీయ ఉనికి యుద్ధంపైనే ఆధారపడి ఉందని విమర్శించారు. యుద్ధం ముగిస్తే ఆయన జైలుకు వెళ్లాల్సి ఉంటుందని ఆరోపించారు. నెతన్యాహు వ్యక్తిగత ప్రయోజనాల కోసమే యుద్ధాన్ని సాగదీస్తున్నారని, గాజా, లెబనాన్‌లలో పౌర మరణాలకు ఆయనే బాధ్యుడని, అంతర్జాతీయ క్రిమినల్ కోర్టు ఆయనపై అరెస్ట్ వారెంట్ జారీ చేయాలని డిమాండ్ చేశారు.