ఫీజు రీయింబర్స్‌మెంట్ బకాయిలు విడుదల చేయాలి.. బీసీ చైతన్య సమితి

జగిత్యాల జిల్లాలో ఫీజు రీయింబర్స్‌మెంట్ బకాయిలను వెంటనే విడుదల చేసి విద్యార్థులకు న్యాయం చేయాలని జాతీయ బీసీ చైతన్య సమితి డిమాండ్ చేసింది. ఈ మేరకు జిల్లా కలెక్టర్‌కు గురువారం వినతిపత్రం సమర్పించారు. బకాయిల కారణంగా పేద, మధ్యతరగతి విద్యార్థులు తీవ్ర ఇబ్బందులు ఎదుర్కొంటున్నారని సమితి పేర్కొంది. ఈ కార్యక్రమంలో రాష్ట్ర ఉపాధ్యక్షురాలు సాంబారి కళావతి, జిల్లా అధ్యక్షులు భోగ నాగభూషణం, జిల్లా అధ్యక్షురాలు చౌటపెల్లి స్వరూప, ప్రధాన కార్యదర్శి వావిలాల నాగరాజు, కార్యదర్శి ఆడెపు సత్యం, ఉపాధ్యక్షులు మానపురి రవి, సిరికొండ చంద్రయ్య, ధ్యావనపెల్లి రాజేందర్, రమేష్ తదితరులు పాల్గొన్నారు.