మేడారం జాతరకు సెలవుపై విశ్వహిందూ పరిషత్ ఆగ్రహం

ప్రపంచంలోనే అతిపెద్ద గిరిజన జాతరగా పేరుగాంచిన మేడారం సమ్మక్క–సారక్క జాతరకు రాష్ట్ర ప్రభుత్వం అధికారికంగా సెలవు దినం ప్రకటించకపోవడంపై విశ్వహిందూ పరిషత్ రాష్ట్ర ధర్మాచార్య సంపర్క ప్రముఖ్ శ్రీ పగుడాకుల బాలస్వామి తీవ్ర ఆగ్రహం వ్యక్తం చేశారు. రెండేళ్లకోసారి జరిగే ఈ మహా గిరిజన జాతర తెలంగాణ రాష్ట్రానికి తలమానికమని, లక్షలాది మంది భక్తులు హాజరయ్యే ఈ వేడుకకు తగిన గుర్తింపు ఇవ్వకపోవడం శోచనీయమని ఆయన పేర్కొన్నారు.