కోమటి కొండాపూర్ లో పోషణ మాసం కార్యక్రమం

జగిత్యాల జిల్లా, కోరుట్ల డివిజన్లోని కోమటి కొండాపూర్ గ్రామంలో శుక్రవారం పోషణ మాసంలో భాగంగా గర్భిణీలు, బాలింతలు, పిల్లల ఆరోగ్యంపై అంగన్వాడీ సూపర్వైజర్ శంకరమ్మ అవగాహన కల్పించారు. సరైన సమయంలో పోషకాహారం తీసుకోవడం వల్ల కలిగే ప్రయోజనాలు, పరిశుభ్రత ప్రాముఖ్యతను వివరించారు. ఈ కార్యక్రమంలో గ్రామ సర్పంచ్ పద్మజా వెంకట్, హెచ్ఎం సుధారాణి, కార్యదర్శి మనోజ్, వివో అధ్యక్షులు జక్కని లక్ష్మి, నవ్య శ్రీ, కారోబార్ మహదేవ్, ఉపాధ్యాయులు, ఆశాలు, అంగన్వాడీ టీచర్లు, తల్లిదండ్రులు పాల్గొన్నారు.