తెలంగాణ మున్సిపల్ ఎన్నికల్లో పోటీకి జనసేన సిద్ధం

తెలంగాణలో త్వరలో జరగనున్న మున్సిపల్ ఎన్నికల్లో జనసేన పోటీ చేయడానికి సిద్ధమైంది. తెలంగాణలో జనసేన పార్టీని సంస్థాగతంగా బలోపేతం చేసే దిశగా, మున్సిపల్ ఎన్నికల్లో పోటీ చేయాలని నిర్ణయించింది. ఈ మేరకు కమిటీలు ఏర్పాటు చేయనుంది. ఎన్నికలకు నెల రోజుల కంటే తక్కువ సమయం ఉన్నప్పటికీ, సాధ్యమైనన్ని స్థానాల్లో జనసేన పార్టీ అభ్యర్థులు బరిలోకి దిగనున్నారు. త్వరలో పార్టీ ఎన్నికల కార్యాచరణను జనసేన ప్రకటించనుంది.