ఈ పోస్టాఫీసు పథకంలో ఒక్కసారి ఇన్వెస్ట్ చేస్తే చాలు.. ప్రతి నెల రూ.9000 ఆదాయం!

ప్రతి నెల స్థిరమైన ఆదాయం కోరుకునే వారికి పోస్ట్ ఆఫీస్ మంత్లీ ఇన్‌కమ్ స్కీమ్ (MIS) మంచి పెట్టుబడి ఎంపికగా నిలుస్తోంది. కేంద్ర ప్రభుత్వ హామీతో నడిచే ఈ పథకంలో ప్రస్తుతం ఏడాదికి 7.4% వడ్డీ లభిస్తోంది. 18 ఏళ్లు పైబడిన భారతీయులు వ్యక్తిగతంగా లేదా జాయింట్ ఖాతా ద్వారా చేరవచ్చు. ఒక వ్యక్తి గరిష్టంగా రూ.9 లక్షలు, జాయింట్ ఖాతాలో రూ.15 లక్షల వరకు పెట్టుబడి పెట్టే అవకాశం ఉంది. భార్యాభర్తలు కలిసి రూ.15 లక్షలు పెట్టుబడి పెడితే నెలకు సుమారు రూ.9,250 వడ్డీ ఆదాయం పొందవచ్చు. ఈ పథకం కాలపరిమితి ఐదేళ్లు. పెట్టుబడి చేసిన తర్వాతి నెల నుంచే వడ్డీ ఖాతాలో జమ అవుతుంది.