మర్కల్ లో ఘనంగా అంబేద్కర్ జయంతి వేడుకలు

కామారెడ్డి జిల్లా సదాశివనగర్ మండలం మర్కల్ గ్రామంలో సామాజిక సామరస్యత వేదిక కామారెడ్డి ఆధ్వర్యంలో సోమవారం డాక్టర్ బి. ఆర్ అంబేద్కర్ జయంతి వేడుకలను ఘనంగా నిర్వహించారు. ఈ సందర్భంగా ఆయన విగ్రహానికి పూలమాలలు వేసి నివాళులర్పించారు. అనంతరం గ్రామ పారిశుధ్య కార్మికులను సన్మానించారు. ఈ కార్యక్రమంలో అధ్యక్షులు తుమ్మ రామచంద్రం, అమృత రాజేందర్, రవళి, హేమలత, సుష్మ, బాలకృష్ణ, లింగం, మహేష్, సంజీవులు పాల్గొన్నారు.