గన్నవరం వైసీపీ మాజీ ఎమ్మెల్యే వల్లభనేని వంశీపై హత్యాయత్నం కేసు నమోదైన నేపథ్యంలో ఆయన మళ్లీ అజ్ఞాతంలోకి వెళ్లారు. తనపై దాడికి వంశీ అనుచరులే పాల్పడ్డారని సునీల్ అనే వ్యక్తి పోలీసులకు ఫిర్యాదు చేయడంతో, వంశీతో పాటు మరో 8 మందిపై హత్యాయత్నం కేసు నమోదు చేశారు. ప్రస్తుతం ప్రత్యేక పోలీస్ బృందాలు గన్నవరం, హైదరాబాద్‌లలో వంశీతో పాటు మిగతా నిందితుల కోసం గాలిస్తున్నాయి.