ఇందిరమ్మ ఇంటికి ముగ్గు: లబ్ధిదారుల ఆనందం

కామారెడ్డి జిల్లా, బిబిపేటలో ఇందిరమ్మ ఇంటి నిర్మాణానికి ముగ్గు వేయడం జరిగింది. మండల అధ్యక్షుడు పాత రాజు గారి ఆధ్వర్యంలో జరిగిన ఈ కార్యక్రమంలో, లబ్ధిదారులు తమ సంతోషాన్ని వ్యక్తం చేశారు. గత కొన్నేళ్లుగా ఇళ్ల కోసం ఎదురుచూస్తున్న తమకు కాంగ్రెస్ ప్రభుత్వం ద్వారా ఇందిరమ్మ ఇల్లు మంజూరు కావడం పట్ల వారు ముఖ్యమంత్రి రేవంత్ రెడ్డి, ప్రభుత్వ సలహాదారు షబ్బీర్ అలీలకు కృతజ్ఞతలు తెలిపారు. ఈ కార్యక్రమంలో సర్పంచ్ సాత్విక, ఉపసర్పంచ్ చందుపట్ల ప్రశాంత్, మాజీ మండల అధ్యక్షుడు సుతారి రమేష్, జిల్లా నాయకులు భూమా గౌడ్, మహమ్మద్ సలీం, మండల యువజన అధ్యక్షుడు మల్లుగారి మహేష్, శ్రీకాంత్, ఆసిఫ్, రవి, పర్షా గౌడ్, సత్తయ పాల్గొన్నారు.