దివ్యాంగులకు మంత్రి సీతక్క చేతుల మీదుగా సహాయ ఉపకరణాల పంపిణీ

కామారెడ్డి జిల్లాలో తెలంగాణ దివ్యాంగుల సహకార సంస్థ ఆధ్వర్యంలో విద్యార్థులు, దివ్యాంగుల కోసం సహాయ ఉపకరణాల పంపిణీ కార్యక్రమం 28-04-2026న కలెక్టర్ కార్యాలయ ఆవరణలో జరిగింది. జిల్లా ఇన్‌చార్జి మంత్రి సీతక్క, ప్రభుత్వ సలహాదారు మొహమ్మద్ అలీ షబ్బీర్, ఎంపీ సురేష్ షట్కర్ ముఖ్య అతిథులుగా హాజరయ్యారు. ఈ సందర్భంగా 64 మంది అర్హులైన దివ్యాంగులకు ద్విచక్ర వాహనాలు, బ్యాటరీ ట్రైసైకిళ్లు, ఇతర సహాయక ఉపకరణాలను అందజేశారు. ప్రభుత్వం అందిస్తున్న సహాయానికి లబ్ధిదారులు కృతజ్ఞతలు తెలిపారు.