గాలికుంటు వ్యాధి నివారణ టీకా శిబిరం ప్రారంభించిన కలెక్టర్
ప్రజాపాలన ప్రగతి ప్రణాళికలో భాగంగా, కామారెడ్డి జిల్లా కలెక్టర్ ఆశిష్ సాంగ్వాన్ మంగళవారం మాచారెడ్డి మండలంలో 8వ విడత గాలికుంటు వ్యాధి (ఎఫ్ ఎం డి) నివారణ టీకా కార్యక్రమాన్ని ప్రారంభించారు. ఈ కార్యక్రమం మార్చి 10, 2026 నుండి ఏప్రిల్ 9, 2026 వరకు నెల రోజుల పాటు కొనసాగుతుంది. జిల్లాలోని 25 మండలాల్లో మొత్తం 1,42,400 ఆవులు, గేదెలకు టీకాలు వేయాలని లక్ష్యంగా పెట్టుకున్నారు. ఈ భారీ కార్యక్రమం కోసం పశుసంవర్ధక శాఖ 48 ప్రత్యేక బృందాలను ఏర్పాటు చేసింది.
