జర్నలిస్టులు తమలో శాంతిని పెంపొందించుకుంటే సమాజంలో శాంతి

తెలంగాణ మీడియా అకాడమీ చైర్మన్ కే. శ్రీనివాస్ రెడ్డి మాట్లాడుతూ, జర్నలిస్టులు తమలో శాంతిని పెంపొందించుకుంటే సమాజంలో శాంతిని నెలకొల్పగలరని అన్నారు. హైదరాబాద్ గచ్చిబౌలిలో బ్రహ్మకుమారీస్ మీడియా వింగ్ ఆధ్వర్యంలో జరిగిన మీడియా మెడిటేషన్-సామాజిక శాంతి కార్యక్రమంలో ఆయన ఈ వ్యాఖ్యలు చేశారు. మీడియా సమాజానికి నాలుగో స్తంభమని, దాని స్వేచ్ఛ కోల్పోతే సమాజం బలహీనపడుతుందని ఆయన పేర్కొన్నారు. ఈ కార్యక్రమంలో వైద్య నిపుణులు, సీనియర్ జర్నలిస్టులు మీడియా ప్రతినిధులకు ఒత్తిడి నిర్వహణ, ఫేక్ న్యూస్ నివారణ, అంతర్ముఖ శాంతి అవసరంపై అవగాహన కల్పించారు. బ్రహ్మకుమారీస్ పెద్దలు శాంతి ప్రాముఖ్యతను వివరించారు.