ఇరాన్‌పై దాడుల తీవ్రత తగ్గిన నేపథ్యంలో ఇజ్రాయెల్ ప్రధాని బెంజమిన్ నెతన్యాహు యెమెన్‌లోని హౌతీ రెబల్స్‌పై సౌదీ అరేబియా చేస్తున్న పోరాటంలో చేరేందుకు అనుమతి కోరినట్లు సమాచారం. అయితే, ఈ ప్రతిపాదనను సౌదీ యువరాజు మహమ్మద్ బిన్ సల్మాన్ తిరస్కరించినట్లు ఇజ్రాయెల్ పత్రిక ‘హారెట్జ్’ వెల్లడించింది. ఇజ్రాయెల్ సైనిక జోక్యంపై సొంత దేశ ప్రజల్లో తీవ్ర వ్యతిరేకత వస్తుందనే భయంతోనే సౌదీ ఈ నిర్ణయం తీసుకున్నట్లు దౌత్య వర్గాలు తెలిపాయి. ఈ సహకారంతో ఇరు దేశాల మధ్య సంబంధాలు బలపడతాయని ఇజ్రాయెల్ భావించినట్లు సమాచారం.