లంపీ స్కిన్ వైరస్ నివారణకు ఉచిత టీకాలు

ఇల్లంతకుంట మండలం అనంతారం గ్రామంలో పశువుల ఆరోగ్య పరిరక్షణలో భాగంగా లంపీ స్కిన్ వైరస్ నివారణకు ఉచిత టీకాల కార్యక్రమం శుక్రవారం నిర్వహించారు. గ్రామ సర్పంచ్ వొల్లాల రజిత వెంకటేష్ ఆధ్వర్యంలో జరిగిన ఈ కార్యక్రమంలో ఆవులు, లేగదూడలకు టీకాలు వేశారు. పశువుల ఆరోగ్యం, రైతుల ఆర్థికాభివృద్ధికి టీకాలు తప్పనిసరి అని సర్పంచ్ వొల్లాల రజిత వెంకటేష్ సూచించారు. పశుసంవర్ధక శాఖ డాక్టర్ పూర్ణచంద్రిక, పాల ఉత్పత్తిదారుల సంఘం అధ్యక్షులు చిట్టి వెంకట రాజిరెడ్డి, రైతులు పాల్గొన్నారు.