కరీంనగర్ పట్టణంలో సిటి బస్సులను ప్రారంభించిన మంత్రి పొన్నం

కరీంనగర్ నగర ప్రజలకు మెరుగైన ప్రజా రవాణా సేవలు అందించే లక్ష్యంతో, డా. బి.ఆర్. అంబేద్కర్ బస్ స్టేషన్‌లో సిటీ మెట్రో ఎక్స్‌ప్రెస్ సర్వీసులను బుధవారం ప్రారంభించారు. మంత్రి పొన్నం ప్రభాకర్ ఈ బస్సులను ప్రారంభించారు. మొదటి దశలో కరీంనగర్-వాగేశ్వరి కాలేజీ, కరీంనగర్-చింతకుంట, కరీంనగర్-కొత్తపల్లి హవేలీ అనే మూడు రూట్లలో ఈ బస్సులు నడుస్తాయి. ఈ కార్యక్రమంలో ఎమ్మెల్యే మేడిపల్లి సత్యం, ఆర్టీసీ ఎండీ నాగిరెడ్డి, మున్నూరు కాపు కార్పొరేషన్ చైర్మన్ బొమ్మ శ్రీరామ్ చక్రవర్తి, ఆర్టీఏ మెంబెర్ పడాల రాహుల్, మేయర్ కొలగాని శ్రీనివాస్ పాల్గొన్నారు.