వయసు కేవలం సంఖ్య మాత్రమేనని, పనిపై ఆసక్తి ఉంటే అలసట ఉండదని బాలీవుడ్ దిగ్గజ నటుడు అమితాబ్ బచ్చన్ నిరూపించారు. 80 ఏళ్లు దాటినా, కుర్ర హీరోలకు ఏమాత్రం తీసిపోని ఎనర్జీతో ఒకేరోజు 12 షార్ట్‌ఫిల్మ్స్‌, 2 స్టిల్ షూట్‌ల చిత్రీకరణను పూర్తి చేశారు. ఈ విషయాన్ని ఆయన తన బ్లాగ్‌లో వెల్లడించారు. పనిపై అంకితభావం, పరిస్థితులకు తగ్గట్టుగా నేర్చుకోవడం, రాజీ పడకపోవడం వంటి అంశాలను ఆయన తన బ్లాగ్‌లో పేర్కొన్నారు. ప్రస్తుతం ఆయన నాగ్ అశ్విన్ దర్శకత్వంలో ‘కల్కి 2898 AD’ సీక్వెల్ షూటింగ్‌లో బిజీగా ఉన్నారు.