ముగిసిన కరీంనగర్ బీజేపీ శిక్షణ తరగతులు

తిమ్మాపూర్ మండలం ఎల్ఎండి శ్రీ చైతన్య కళాశాలలో బీజేపీ నిర్వహించిన 'పండిత్ దీన్ దయాళ్ ఉపాధ్యాయ ప్రశిక్షణ మహా అభియాన్' రెండు రోజుల శిక్షణ తరగతులు ఆదివారం ముగిశాయి. ఈ శిక్షణలో మొత్తం 12 సెషన్లలో 346 మంది పాల్గొన్నారు. రాష్ట్ర అధ్యక్షులు ఎన్. రామచందర్ రావు ఈ కార్యక్రమాన్ని ప్రారంభించగా, మాజీ గవర్నర్ విద్యాసాగర్ రావు ముగింపు కార్యక్రమంలో పాల్గొన్నారు. పార్టీని మరింత బలోపేతం చేయడంపై కీలక నేతలు దిశానిర్దేశం చేశారు. ఈ కార్యక్రమంలో జిల్లా అధ్యక్షుడు గంగాడి కృష్ణారెడ్డి, మేయర్ కోలగని శ్రీనివాస్ తో పాటు పలువురు నేతలు పాల్గొన్నారు.