కేసీఆర్ దీక్ష నాటకం: తెలంగాణ సోనియా గాంధీ వల్లే వచ్చింది: టీపీసీసీ చీఫ్

బీఆర్ఎస్ చేపట్టిన దీక్షా దివాస్‎పై గాంధీ భవన్లో టీపీసీసీ చీఫ్ మహేష్ కుమార్ గౌడ్ శుక్రవారం తీవ్ర విమర్శలు గుప్పించారు. కేసీఆర్ తెలంగాణ సెంటిమెంట్‎ను వాడుకుని, ఉనికి కోసం మళ్లీ సెంటిమెంట్ రాజేసే ప్రయత్నం చేస్తున్నారని ఆరోపించారు. కేసీఆర్ దీక్ష కేవలం నాటకమని, 3 రోజులకే విరమించారని ఎద్దేవా చేశారు. తెలంగాణ ఉద్యమంలో కేసీఆర్ దీక్షకు, పొట్టి శ్రీరాములు దీక్షకు పొంతన లేదన్నారు. కేవలం కేసీఆర్ దీక్ష వల్లే తెలంగాణ రాలేదని, కాంగ్రెస్, సోనియా గాంధీ వల్లనే ప్రత్యేక తెలంగాణ రాష్ట్ర కల సాకారమైందని పేర్కొన్నారు.