గాడ్రాల గ్రామంలో పిడుగుపాటుకు యువకుడు మృతి

భద్రాద్రి కొత్తగూడెం జిల్లా, అశ్వారావుపేట మండలం గాడ్రాల గ్రామంలో ఆదివారం సాయంత్రం పిడుగుపాటుతో జెడి దావీద్ (22) అనే యువకుడు మరణించాడు. వర్షం పడుతుండగా ఇంటికి వస్తున్న సమయంలో ఈ విషాదం చోటుచేసుకుంది. స్థానికులు అతన్ని ఆసుపత్రికి తరలించగా అప్పటికే మృతి చెందినట్లు వైద్యులు తెలిపారు. కుమారుని అకాల మరణంతో కుటుంబ సభ్యులు తీవ్ర విషాదంలో మునిగిపోయారు.