దిగుబడి లేక మిర్చి రైతు దిగాలు

ఏన్కూర్ ప్రాంతంలో మిర్చి రైతులు ఈ ఏడాది తీవ్రంగా నష్టపోయారు. గత ఏడాదితో పోలిస్తే దిగుబడి సగానికి పడిపోవడంతో రైతులు ఆందోళన చెందుతున్నారు. గత సంవత్సరం ఎకరానికి 10-12 క్వింటాళ్లు దిగుబడి రాగా, ఈ ఏడాది 6 క్వింటాళ్లు రావడమే కష్టంగా ఉందని రైతులు తెలిపారు. అయితే, క్వింటాల్ మిర్చి ధర రూ.18 వేల వరకు పలుకుతున్నా, దిగుబడి తగ్గడంతో లాభాలు ఆశించిన స్థాయిలో లేవు. పెట్టుబడులు తిరిగి వస్తాయో లేదోనని రైతులు ఆందోళన చెందుతూ, ప్రభుత్వం ఆదుకోవాలని కోరుతున్నారు.