సత్తుపల్లిలో బొగ్గు ఉత్పత్తికి ఆటంకం

తుపాన్ ప్రభావంతో రెండు రోజులుగా కురుస్తున్న వర్షాల కారణంగా సత్తుపల్లిలోని జేవీఆర్, కిష్టారం ఓసీల్లో బొగ్గు ఉత్పత్తి, మట్టి వెలికితీత పనులకు తీవ్ర ఆటంకం ఏర్పడింది. ఎడతెరిపి లేకుండా కురుస్తున్న వర్షాలతో ఓసీల్లోకి నీరు చేరడంతో, 2 లక్షల క్యూబిక్ మీటర్ల మట్టి తొలగింపు, 35 వేల టన్నుల బొగ్గు ఉత్పత్తి నిలిచిపోయినట్లు పీఓలు ప్రహ్లాద్, నర్సింహారావు తెలిపారు. ప్రస్తుతం భారీ మోటార్ల సహాయంతో నీటిని తొలగించే పనులు ముమ్మరంగా జరుగుతున్నాయి.