మధిరలో ఎన్నికల ప్రచారం మందకొడిగా: 20 వార్డుల్లో అభ్యర్థుల సందడి శూన్యం

జిల్లాలోని ఇతర మున్సిపాలిటీల్లో ఎన్నికల ప్రచారం జోరుగా సాగుతుండగా, మధిర పట్టణంలో మాత్రం వింత పరిస్థితి నెలకొంది. వైరా, సత్తుపల్లి పట్టణాల్లో అభ్యర్థులు ఇంటింటికీ తిరుగుతూ ఓటర్లను ఆకట్టుకునే ప్రయత్నాలు చేస్తుంటే, మధిరలోని 22 వార్డుల్లో కేవలం 1, 2 వార్డుల్లో మినహా మిగిలిన 20 వార్డుల్లో ప్రచారం ఇంకా ఊపందుకోలేదు. అభ్యర్థుల సందడి ఎక్కడా కనిపించకపోవడం పట్టణంలో చర్చనీయాంశంగా మారింది. ఎన్నికల హడావుడి లేకపోవడం స్థానికులను ఆశ్చర్యపరుస్తోంది.