ఖమ్మం జిల్లాలో భారీ వర్షాలు

ఖమ్మం జిల్లాలో అల్పపీడన ప్రభావంతో కురుస్తున్న భారీ వర్షాల నేపథ్యంలో విద్యార్థుల భద్రతను దృష్టిలో ఉంచుకుని, కలెక్టర్ దివాకర టీఎస్ గురువారం అన్ని ప్రభుత్వ, ప్రైవేటు పాఠశాలలు, కళాశాలలకు సెలవు ప్రకటించారు. ఈ సెలవుకు ప్రత్యామ్నాయంగా వచ్చే నెల రెండో శనివారం విద్యాసంస్థలు పనిచేస్తాయని తెలిపారు. భారీ వర్షాల నేపథ్యంలో ప్రజలు అప్రమత్తంగా ఉండాలని, అత్యవసరమైతే తప్ప బయటకు రావద్దని, అధికారుల సూచనలు పాటించాలని కలెక్టర్ సూచించారు.