ఖమ్మం: పక్కా ప్లాన్... తప్పుడు నంబర్ ప్లేట్ తో బురిడీ

ఖమ్మం నగరంలోని సోనోవిజన్ దుకాణంలో చోరీకి పాల్పడిన దొంగలు పోలీసులకు చిక్కకుండా ఉండేందుకు ముందస్తు జాగ్రత్తలు తీసుకున్నారు. శుక్రవారం పోలీసులు దర్యాప్తులో భాగంగా, దొంగతనం కోసం ఉపయోగించిన కారుకు తప్పుడు నంబర్ ప్లేట్ అమర్చినట్లు గుర్తించారు. ఈ కారు నంబర్ గుంటూరులో రిజిస్టర్ అయిన ఇంటి చిరునామాకు వెళ్లగా, అక్కడ ఉన్న కారు వేరేదని తేలింది. దీంతో దొంగలు ఉపయోగించిన కారు నంబర్ డూప్లికేట్ అని పోలీసులు నిర్ధారించారు.