ఖమ్మం: కుటుంబ కలహాలు.. ఇద్దరు ఆత్మహత్యాయత్నం

ఖమ్మం జిల్లా సత్తుపల్లి మండలంలో కుటుంబ కలహాల నేపథ్యంలో ఇద్దరు వ్యక్తులు పురుగుమందు తాగి ఆత్మహత్యాయత్నానికి పాల్పడ్డారు. గౌరీ గూడెం గ్రామానికి చెందిన కాశిని, చంద్రాయపాలెం గ్రామానికి చెందిన రజిని వెంకటేశ్వరరావు శుక్రవారం ఈ దారుణానికి ఒడిగట్టారు. స్థానికులు సమాచారం ఇవ్వడంతో సత్తుపల్లి 108 సిబ్బంది సంఘటనా స్థలాలకు చేరుకుని వైద్య సేవలు అందించి, వారిని సత్తుపల్లి ప్రభుత్వాసుపత్రికి తరలించారు. సకాలంలో స్పందించి వైద్య సేవలు అందించిన 108 సిబ్బందిని గ్రామస్తులు, జిల్లా అధికారులు అభినందించారు.