ఖమ్మం: మిల్లర్లు సీఎంఆర్ సకాలంలో అప్పగించాలి

జిల్లాలోని మిల్లర్లు సీఎంఆర్ రైస్ ను సకాలంలో అప్పగించాలని అదనపు కలెక్టర్ పి. శ్రీనివాసరెడ్డి సూచించారు. ఖమ్మం కలెక్టరేట్లో గురువారం రైస్ మిల్లర్లతో సమావేశమయ్యారు. గత ఖరీఫ్ సీజన్ కు సంబంధించి పెండింగ్ ఉన్న బియ్యం అప్పగించడమే కాక ఈ ఏడాది యాసంగి సీఎంఆర్ అందజేయడం మొదలుపెట్టాలని తెలిపారు. ఈ సమావేశంలో జిల్లా పౌరసరఫరాల శాఖ డీసీఎస్ఓ చందన్ కుమార్, జిల్లా పౌర సరఫరాల సంస్థ మేనేజర్ శ్రీలత, తదితరులు ఉన్నారు.