ఖమ్మం: ఇద్దరు సీఐలకు డీఎస్పీలుగా పదోన్నతి

జిల్లా పోలీసు శాఖలో విధులు నిర్వర్తిస్తున్న ఇద్దరు సీఐలకు డీఎస్పీలుగా పదోన్నతి లభించింది. స్పెషల్ బ్రాంచ్ సీఐ సీహెచ్. రాజిరెడ్డి, సీసీఆర్బీలో పనిచేస్తున్న టి. స్వామి ఈ పదోన్నతి పొందిన జాబితాలో ఉన్నారు. వీరిలో రాజిరెడ్డి ఉమ్మడి జిల్లాలోని పలు పోలీస్ స్టేషన్లలో ఎస్ఐ, సీఐగా సేవలందించారు. అలాగే, స్వామి కూడా పలు పోలీస్ స్టేషన్లలో పనిచేసి సీసీఆర్బీలో కొనసాగుతున్నారు. పదోన్నతి పొందిన వీరిద్దరిని పలువురు అభినందించారు. ఈ పదోన్నతులు జిల్లా పోలీసు శాఖలో కీలక మార్పులకు దారితీశాయి.