ఐఎన్టియుసీ ఖమ్మం జిల్లా అధ్యక్షుడిగా నాగేశ్వరరావు

ఇండియన్ నేషనల్ ట్రేడ్ యూనియన్ కాంగ్రెస్ (ఐఎన్టియుసి) ఫెడరేషన్ ఖమ్మం జిల్లా అధ్యక్షుడిగా కెంబసర్తి నాగేశ్వరరావు నియమితులయ్యారు. హైదరాబాద్లోని ఫెడరేషన్ కార్యాలయంలో రాష్ట్ర అధ్యక్షుడు బుద్ధారం మురహరి ఆయనకు నియామక పత్రాన్ని అందజేశారు. ఈ సందర్భంగా నాగేశ్వరరావు మాట్లాడుతూ, జిల్లాలోని అసంఘటిత కార్మికుల సమస్యల పరిష్కారానికి, కార్మిక హక్కుల పరిరక్షణకు సమరశీల పోరాటాలు చేస్తానని స్పష్టం చేశారు. ఈ నియామకం కార్మిక సంఘంలో కొత్త ఉత్సాహాన్ని నింపింది.