మధిర: నామినేషన్ పరిశీలన ప్రక్రియ పూర్తి

మధిర మున్సిపాలిటీలోని 22 వార్డులకు దాఖలైన 178 నామినేషన్లు సక్రమంగా ఉన్నాయని కమిషనర్ సంపత్ కుమార్ తెలిపారు. అభ్యర్థులు ఫిబ్రవరి 3 మధ్యాహ్నం 3 గంటల వరకు తమ నామినేషన్లను ఉపసంహరించుకోవచ్చని ఆయన పేర్కొన్నారు. మున్సిపాలిటీలో మొత్తం 17 ప్రాంతాల్లో 44 పోలింగ్ కేంద్రాలను ఏర్పాటు చేశారు. వీటిలో 14 కేంద్రాలను సమస్యాత్మకమైనవిగా గుర్తించారు. మున్సిపాలిటీలోని ఐదు డివిజన్లలో తొమ్మిది రూట్లుగా పోలింగ్ కేంద్రాలను ఏర్పాటు చేశారు.