సత్తుపల్లి: ఒక్కరోజు రూ. 2. 80 లక్షల ఆదాయం

సత్తుపల్లి మున్సిపాలిటీలో మున్సిపల్ ఎన్నికల నోటిఫికేషన్ వెలువడగానే పన్నుల వసూళ్లలో భారీగా ఆదాయం సమకూరింది. ఎన్నికల్లో పోటీ చేసే అభ్యర్థులకు ఇంటి, నీటి పన్ను బకాయిలు ఉండకూడదనే నిబంధన కారణంగా, ఆశావహులు పెద్ద సంఖ్యలో పన్నులు చెల్లించడానికి తరలివచ్చారు. బుధవారం ఒక్కరోజే 23 వార్డుల్లో పోటీ చేయాలనుకుంటున్న 67 మంది అభ్యర్థులు సుమారు రూ. 2.80 లక్షల పన్నులు చెల్లించి 'నో డ్యూస్' సర్టిఫికెట్లు పొందారు. ఈ పరిణామం ఎన్నికల ప్రకటనతో మున్సిపాలిటీకి చేకూరిన తొలిరోజు ఆదాయంగా నిలిచింది.