వేంసూర్: కూలీని ఢీకొన్న బైక్.. ఇద్దరికి తీవ్ర గాయాలు

వేంసూరు మండలం బీరాపల్లి వద్ద జరిగిన రోడ్డు ప్రమాదంలో ఇద్దరు వ్యక్తులు గాయపడ్డారు. చిన్నమల్లేల నాయకులగూడేనికి చెందిన కూలీ చిలకా రాములు పని ముగించుకుని కాలినడకన స్వగ్రామానికి వెళ్తుండగా, అడవి రామన్నపాలెంకు చెందిన జుంజునూరి గోపి బైకుపై వచ్చి అతడిని ఢీకొట్టాడు. ఈ ఘటనలో ఇరువురికీ తీవ్ర గాయాలయ్యాయి. రాములు పరిస్థితి విషమంగా ఉండటంతో మెరుగైన చికిత్స నిమిత్తం ఖమ్మం తరలించారు.