జన్నారం గ్రామంలో మహా అన్నదానం కార్యక్రమం

ఏన్కూర్ మండలం జన్నారం గ్రామంలోని బీసీ కాలనీలో మంగళవారం మహా అన్నదానం కార్యక్రమం జరిగింది. గ్రామ సర్పంచ్ బానోత్ మణి చిరంజీవి, బీసీ కాలనీ గణేష్ కమిటీ ఆధ్వర్యంలో జరిగిన ఈ కార్యక్రమంలో గ్రామస్థులు పెద్ద సంఖ్యలో పాల్గొని అన్నప్రసాదాన్ని స్వీకరించారు. గణేష్ ఉత్సవాలను ఆధ్యాత్మిక కార్యక్రమాలకే పరిమితం చేయకుండా, సమాజంలో ఐక్యత, సేవాభావం, పరస్పర సహకారం పెంపొందించేలా కార్యక్రమాలు నిర్వహించడం అభినందనీయమని పలువురు పేర్కొన్నారు. ఈ కార్యక్రమంలో గ్రామ పంచాయతీ కార్యదర్శి శ్రీలత, గణేష్ కమిటీ సభ్యులు, యువత పాల్గొన్నారు.