గిద్దెవారిగూడెంలో ఘనంగా ముత్యాలమ్మ తల్లి బోనాలు

ఖమ్మం జిల్లా సింగరేణి మండలం గిద్దెవారి గూడెంలో బుధవారం శ్రావణమాసం సందర్భంగా ముత్యాలమ్మ తల్లి కి ఘనంగా బోనాల వేడుకలు నిర్వహించారు. స్థానిక సర్పంచ్ వీసాల వెంకటేశ్వరరావు , సొసైటీ డైరెక్టర్ డేగల ఉపేందర్ గ్రామస్తులతో కలసి, ముత్యాలమ్మ తల్లి ప్రత్యేక పూజలు నిర్వహించారు. మహిళలు ఇంటి వద్ద వంటలు చేసుకుని, బోనాలు నెత్తిన పెట్టుకొని ముత్యాలమ్మ తల్లి వద్దకు వెళ్లి ప్రత్యేక పూజలు చేసి బోనాలు నైవేద్యంగా సమర్పించారు. ఈ సందర్భంగా సర్పంచ్ మాట్లాడుతూ గ్రామ ప్రజలు అందరూ సుఖ సంతోషాలతో ఉండాలని, ఈ సంవత్సరం పాడిపంటలు సమృద్ధిగా పండాలని ఆ ముత్యాలమ్మ తల్లిని వేడుకున్నామన్నారు. వీసాల ఛాయాదేవి తదితర మహిళలు పాల్గొన్నారు.