ఇల్లందు అటవీలో భారీ మంటలు

ఇల్లందు అటవీ ప్రాంతంలో మంగళవారం భారీగా మంటలు చెలరేగాయి. వేసవి ఆరంభంలోనే తీవ్రమైన ఎండల కారణంగా ఉష్ణోగ్రతల ప్రభావంతో ఈ ప్రమాదం సంభవించిందని స్థానికులు భావిస్తున్నారు. మంటలు విస్తరిస్తుండటంతో భయాందోళనకు గురైన స్థానికులు వెంటనే అగ్నిమాపక సిబ్బందికి సమాచారం అందించారు. అగ్నిమాపక దళం సంఘటనా స్థలానికి చేరుకుని మంటలను అదుపు చేసేందుకు ప్రయత్నిస్తోంది.