కాంగ్రెస్ పార్టీ ఎస్‌ఐఆర్ పై అవగాహన కల్పించింది

కొమరంభీం జిల్లా, సిర్పూర్, ఆసిఫాబాద్ పట్టణంలోని 15వ వార్డులో శనివారం ఎస్‌ఐఆర్ ప్రక్రియపై కాంగ్రెస్ పార్టీ శ్రేణులకు డీసీసీ అధ్యక్షురాలు ఆత్రం సుగుణక్క అవగాహన సమావేశం నిర్వహించారు. మున్సిపల్ కౌన్సిలర్ అబ్దుల్లాతో కలిసి జరిగిన ఈ సమావేశంలో అర్హుల ఒక్క ఓటు కూడా తొలగిపోకుండా ప్రతి కాంగ్రెస్ కార్యకర్త బాధ్యతాయుతంగా వ్యవహరించాలని, బూత్ సూపర్వైజర్లు, మండల అధ్యక్షులు, బీఎల్‌ఏ-2లు, పార్టీ కార్యకర్తలు సమన్వయంతో పనిచేయాలని సూచించారు. నిరక్షరాస్యులు, పేదలు, గ్రామీణ ప్రజలకు ఎస్‌ఐఆర్‌పై అవగాహన కల్పించి వారి ఓటు హక్కు కాపాడాలని స్పష్టం చేశారు.