ఆదివాసీ భీమయ్యక్ దేవస్థానం దర్శించిన డీసీసీ అధ్యక్షురాలు ఆత్రం సుగుణక్క

కుమురం భీం ఆసిఫాబాద్ జిల్లా డీసీసీ అధ్యక్షురాలు ఆత్రం సుగుణక్క తిర్యాని మండలం దంతనపల్లిలోని ఆదివాసీ కొలాం సమాజం ఆరాధ్య దైవమైన భీమయ్యక్ దేవస్థానాన్ని దర్శించుకున్నారు. పలువురు ఆదివాసీ సంఘం నాయకులతో కలిసి ప్రత్యేక పూజలు నిర్వహించారు. ఈ సందర్భంగా సుగుణక్క ఆదివాసీ, కొలాం సమాజం సాంప్రదాయాలు, ఆచారాలు గొప్పవని, వారి అభివృద్ధికి కాంగ్రెస్ పార్టీ ఎల్లప్పుడూ కృషి చేస్తుందని, స్థానిక ప్రజల సమస్యల పరిష్కారానికి సహకారం అందిస్తామని హామీ ఇచ్చారు. ఈ కార్యక్రమంలో కాంగ్రెస్ పార్టీ జిల్లా నాయకులు పెందూర్ సుధాకర్, ఆత్రం భీమ్రావు, టేకం గంగారం, లింగు తదితరులు పాల్గొన్నారు.