అధిక ఫీజుల దోపిడీని అరికట్టాలి

సిర్పూర్, ఆసిఫాబాద్‌లో ప్రైవేటు పాఠశాలలు ప్రభుత్వ నిబంధనలను ఉల్లంఘించి అధిక ఫీజులు వసూలు చేస్తున్నాయని, పేరెంట్స్ కమిటీలు నియమించకుండా, ఫీజుల ధరల పట్టికలు ప్రదర్శించకుండా విద్యార్థుల తల్లిదండ్రులను దోపిడీ చేస్తున్నాయని భారత ప్రజాతంత్ర యువజన సమాఖ్య (డివైఎఫ్ఐ) ఆరోపించింది. ఈ విషయమై కాగజ్‌నగర్ మండల విద్యాధికారి వసాల ప్రభాకర్‌కు డీవైఎఫ్ఐ నాయకులు గోడిసెల కార్తీక్, గేడం టికనంద్ వినతి పత్రం సమర్పించారు. పాఠశాలల్లో షూ, బెల్ట్, టై, నోట్‌బుక్స్, యూనిఫాం, పాఠ్యపుస్తకాలను విచ్చలవిడిగా విక్రయిస్తున్నారని పేర్కొన్నారు.