ఆసిఫాబాద్ బస్ స్టేషన్‌లో మహాలక్ష్మి పథకం విజయోత్సవ సభ

తెలంగాణ ప్రభుత్వం అమలు చేస్తున్న మహాలక్ష్మి పథకం కింద రాష్ట్రవ్యాప్తంగా రూ. 10,000 కోట్ల సేవలు, 290 కోట్ల ప్రయాణాలు పూర్తయ్యాయి. ఆసిఫాబాద్ బస్ స్టేషన్‌లో జరిగిన విజయోత్సవ సభలో, మహిళలు, ట్రాన్స్‌జెండర్‌లకు ఉచిత బస్ ప్రయాణం కల్పిస్తున్న ఈ పథకం ప్రయోజనాలను జిల్లా కలెక్టర్, డిపో మేనేజర్ రాజశేఖర్, అసిస్టెంట్ మేనేజర్ దేవపాల వివరించారు. మహిళల ఆర్థిక భారం తగ్గించడంలో ఈ పథకం కీలకమని తెలిపారు. ఈ సందర్భంగా మహిళా ప్రయాణికులను సన్మానించారు.