సింగరేణి కార్మికుల నీలిరంగు యూనిఫామ్‌ ధరించిన మంత్రి కిషన్ రెడ్డి

మంచిర్యాల జిల్లాలో శనివారం జరిగిన సింగరేణి కాలరీస్ కంపెనీ లిమిటెడ్ (SCCL) ఉన్నత స్థాయి సమీక్షా సమావేశంలో కేంద్ర బొగ్గు, గనుల శాఖ మంత్రి జి. కిషన్ రెడ్డి సింగరేణి కార్మికుల నీలిరంగు యూనిఫామ్‌ ధరించి అందరినీ ఆశ్చర్యపరిచారు. కార్మికుల త్యాగానికి ప్రతీకగా నిలిచే ఈ దుస్తులను ధరించి, శ్రామికుల పట్ల తన గౌరవాన్ని ప్రదర్శించడం అధికారులను, కార్మికులను ఆకట్టుకుంది. ఈ సమావేశంలో కంపెనీ ప్రగతి, బొగ్గు ఉత్పత్తి లక్ష్యాలు, కార్మికుల సంక్షేమ పథకాలపై చర్చించారు.