విద్యుత్ షాక్‌తో తల్లి మృతి.. అనాథలైన ముగ్గురు పిల్లలు

చెన్నూర్ మండలం కొమ్మెరలో మంగళవారం విద్యుత్ ఘాతంతో జ్యోతి అనే మహిళ మృతి చెందింది. బట్టలు ఆరవేస్తుండగా ప్రమాదవశాత్తు విద్యుత్ షాక్ తగలడంతో ఆమె అక్కడికక్కడే ప్రాణాలు కోల్పోయింది. గతంలో తండ్రిని కోల్పోయిన ముగ్గురు పిల్లలు (ఒక కుమారుడు, ఇద్దరు కుమార్తెలు) ఇప్పుడు తల్లిని కూడా కోల్పోవడంతో అనాథలయ్యారు. ఈ విషాద ఘటనతో గ్రామంలో తీవ్ర దుఃఖం నెలకొంది. బాధిత కుటుంబాన్ని ప్రభుత్వం ఆదుకోవాలని గ్రామస్థులు కోరుతున్నారు.