ఒక నెలలోపు ముధోల్‌లో కొత్త అభివృద్ధి పనులు

ముధోల్ నియోజకవర్గ కాంగ్రెస్ ఇన్చార్జ్ బోస్లే నారాయణరావు పటేల్ సోమవారం హైదరాబాద్ ప్రజాభవన్‌ లో రాష్ట్ర ఉప ముఖ్యమంత్రి భట్టి విక్రమార్క ని కలిసి నియోజకవర్గ అభివృద్ధి పనులపై చర్చించారు. ముధోల్ ప్రజల సమస్యలు, అభివృద్ధి అవసరాలను ఆయన దృష్టికి తీసుకెళ్లారు. ఈ సందర్భంగా డిప్యూటీ సీఎం భట్టి విక్రమార్క స్పందిస్తూ, ముధోల్ నియోజకవర్గంలో బుద్ధ విహార్లు, ఎస్సీ కమ్యూనిటీ హాల్స్ మంజూరు చేయడంతో పాటు పలు గ్రామాల్లోని మందిరాల వద్ద సెంట్రల్ లైటింగ్‌ లు ఏర్పాటు చేస్తామని, ఈ పనులన్నీ ఒక నెలలోపు పూర్తి చేస్తామని హామీ ఇచ్చారు.