కోనప్ప ఆధ్వర్యంలో 188మందికి దహన సంస్కారాల కోసం కట్టెల పంపిణీ

కౌటాల మండలం ముత్తంపేట గ్రామానికి చెందిన తోగం పెంటు మృతి చెందడంతో, ఆయన అంత్యక్రియల కోసం కోనేరు కోనప్ప తరఫున కట్టెలు పంపిణీ చేశారు. కౌటాల పరిసర 40 గ్రామాల్లో దహన సంస్కారాలకు కట్టెల కొరత కారణంగా ఇబ్బందులు ఎదురుకాకుండా ఉండేందుకు ఈ కార్యక్రమాన్ని ప్రారంభించినట్లు నిర్వాహకులు తెలిపారు. గత ఏడాది జూన్ 9 నుంచి ఇప్పటి వరకు 13 నెలల వ్యవధిలో మొత్తం 188 మంది దహన సంస్కారాలకు కోనేరు కోనప్ప తరఫున కట్టెలు అందజేసినట్లు వెల్లడించారు. ఈ సేవా కార్యక్రమంతో అంతిమ సంస్కారాల నిర్వహణలో ఇబ్బందులు తగ్గాయని పేర్కొన్నారు.