కాంగ్రెస్ పార్టీలో చేరిన కాటేపల్లి నాయకులు

బెజ్జూర్ మండలం కాటేపల్లి గ్రామానికి చెందిన మడే శైలం, కొంక సత్తయ్య, తిరుపతి తదితర నాయకులు ఉమ్మడి ఆదిలాబాద్ జిల్లా స్థానిక సంస్థల ఎమ్మెల్సీ దండే విఠల్ సమక్షంలో కాంగ్రెస్ పార్టీలో చేరారు. ఈ సందర్భంగా ఎమ్మెల్సీ వారికి కాంగ్రెస్ కండువా కప్పి పార్టీలోకి ఆహ్వానించారు. రాష్ట్ర ప్రభుత్వం అమలు చేస్తున్న సంక్షేమ పథకాలు, అభివృద్ధి కార్యక్రమాలపై నమ్మకంతో కాంగ్రెస్‌లో చేరినట్లు కొత్తగా చేరిన నాయకులు తెలిపారు. కార్యక్రమంలో బెజ్జూర్ మండల కాంగ్రెస్ నాయకులు, కార్యకర్తలు పాల్గొన్నారు.