7వ సంవత్సరంలోకి అడుగుపెట్టిన కోనేరు కోనప్ప నిత్యాన్నదానసత్రం

సిర్పూర్ మాజీ ఎమ్మెల్యే కోనేరు కోనప్ప ఆధ్వర్యంలో నిరుపేదలు, అనాథలు, బాటసారులకు ఆరు సంవత్సరాలుగా అన్నదానం అందిస్తున్న నిత్యాన్నదాన సత్రం ఏడవ సంవత్సరంలోకి అడుగుపెట్టింది. ఈ సందర్భంగా ప్రత్యేక పూజలు, వేద పండితుల ఆశీర్వాదాలు, అన్నప్రసాద వితరణ కార్యక్రమాలు నిర్వహించారు. సమాజ సేవ లక్ష్యంగా, ఆకలితో ఉన్న ప్రతి ఒక్కరికీ ఆహారం అందించాలనే సంకల్పంతో కొనసాగుతున్న ఈ సేవకు ప్రజల నుంచి ప్రశంసలు లభిస్తున్నాయి. "అన్నదానం మహాదానం" అనే భావనతో కొనసాగుతున్న ఈ సత్రం మరెన్నో సంవత్సరాలు విజయవంతంగా కొనసాగాలని పలువురు ఆకాంక్షించారు.