అశ్వారావుపేట: అటవీ సిబ్బంది భారీ ర్యాలీ

వన్యప్రాణి దినోత్సవం సందర్భంగా, మంగళవారం అశ్వారావుపేటలో స్థానిక అటవీ సిబ్బంది భారీ ర్యాలీ నిర్వహించారు. 'అడవులను రక్షిద్దాం, వన్యప్రాణులను ప్రేమిద్దాం' అనే నినాదాలతో వీధులు మారుమోగాయి. వన్యప్రాణులను సంరక్షించడం అంటే మనల్ని మనం కాపాడుకోవడమేనని అటవీ శాఖ అధికారులు తెలిపారు. పర్యావరణ సమతుల్యతలో మూగజీవాల పాత్రను వివరిస్తూ, ప్రజల్లో చైతన్యం కల్పించారు. చెట్లను పెంచడం, అడవులను కాపాడటం ప్రతి ఒక్కరి బాధ్యత అని వారు నొక్కి చెప్పారు.