భద్రాచలం రెండో వంతెనపై ఈ నెలలోనే రాకపోకలు: తుమ్మల

భద్రాద్రి కొత్తగూడెం జిల్లా, భద్రాచలం వద్ద గోదావరి రెండో వంతెన పనులను బుధవారం మంత్రి తుమ్మల నాగేశ్వరరావు పరిశీలించారు. ఈ నెలలోనే వంతెనపై రాకపోకలు ప్రారంభమవుతాయని, వచ్చే ఏడాది గోదావరి పుష్కరాల నాటికి భక్తులకు ట్రాఫిక్ ఇబ్బందులు లేకుండా వంతెన పూర్తిస్థాయిలో అందుబాటులో ఉంటుందని తెలిపారు. ఏపీ, ఛత్తీస్‌గఢ్‌, ఒడిశా వైపు వెళ్లే ప్రయాణికులకు ఇది ఎంతో ఉపయోగపడుతుందని ఆయన చెప్పారు.