వైద్యుల సేవలు అనన్యం..ఐటీసీ క్లబ్ ఆధ్వర్యంలో ఘన సన్మానం

భద్రాద్రి కొత్తగూడెం జిల్లా, పినపాకలో జాతీయ వైద్యుల దినోత్సవం సందర్భంగా బుధవారం ఐటీసీ అనుబంధ రోటరీ క్లబ్ ఆధ్వర్యంలో స్థానిక వైద్యులను ఘనంగా సన్మానించారు. యూనిట్ హెడ్ శ్రీశైలేంద్రకుమార్ సింగ్ అధ్యక్షతన జరిగిన ఈ కార్యక్రమంలో డాక్టర్లు హేమంత్, రాజశేఖర్ రెడ్డి, హరికృష్ణ, విజయకుమార్, అమృతసింధులను గౌరవించారు. పేదలకు రోటరీ క్లబ్ చేసే సేవలకు సహకరిస్తామని వైద్యులు తెలిపారు. ఈ కార్యక్రమంలో క్లబ్ ప్రతినిధులు ఆర్. పి. సింగ్, డేవిడ్ ఆలివర్ పాల్గొన్నారు. వైద్యుల సేవలు అనన్యమైనవని ఈ సందర్భంగా కొనియాడారు.