వరి సాగులో తెగుళ్లకు చెక్ పెట్టండిలా!

వరి సాగులో తెగుళ్లను సకాలంలో గుర్తించి, నివారించడం ద్వారా అధిక దిగుబడులు సాధించవచ్చని నిపుణులు సూచిస్తున్నారు. అగ్గి తెగులు, కాండం తొలిచే పురుగు, సుడిదోమ వంటి ప్రధాన సమస్యలను సమర్థవంతమైన యాజమాన్య పద్ధతుల ద్వారా నివారించవచ్చు. అగ్గి తెగులు లక్షణాలు ఆకులపై కంటి ఆకారంలో గోధుమ రంగు అంచులు, బూడిద రంగు కేంద్రంతో మచ్చలు ఏర్పడటం. దీని నివారణకు పొలంలో నీటిని ఆరబెట్టాలి. ఎకరాకు ట్రైసైక్లోజోల్ 120 గ్రాములు లేదా కార్బండైజిమ్ 200 గ్రాములు 200 లీటర్ల నీటిలో కలిపి పిచికారీ చేయాలి.