రాచాలలో భారీ పాము కలకలం

దేవరకద్ర నియోజకవర్గం అడ్డాకల్ మండలం రాచాలలో ఆదివారం భారీ పాము కలకలం సృష్టించింది. ఎస్సీ కాలనీలోని చేగుంట ఆంజనేయులు ఇంటి సమీపంలో పెద్ద పాము కనిపించడంతో కాలనీవాసులు భయాందోళనకు లోనయ్యారు. వెంటనే స్పందించిన స్థానికులు ఆ పామును చంపారు. పిల్లలు ఎక్కువగా ఆ ప్రాంతాల్లో తిరుగుతున్న కారణంగా పాముల వంటి విష పురుగుల నుంచి తీసుకోవాల్సిన జాగ్రత్తలపై అధికారులు ఇంటింటికీ అవగాహన కల్పించాలని ప్రజలు కోరుతున్నారు.