మహబూబ్ నగర్: ఘోర ప్రమాదం.. ఒకరు స్పాట్ డెడ్!

మహబూబ్ నగర్ పట్టణంలోని కోయిల్ కొండ చౌరస్తాలో గురువారం జరిగిన రోడ్డు ప్రమాదంలో ఒకరు మృతి చెందగా, నలుగురికి తీవ్ర గాయాలయ్యాయి. మామిడిపండ్ల లోడ్ తో వేగంగా దూసుకొచ్చిన బొలెరో వాహనం, ప్రయాణికులతో వెళ్తున్న ఆటోను ఢీ కొట్టడంతో ఈ దుర్ఘటన జరిగింది. మృతుడు హన్వాడ మండలం లింగన్నపల్లి గ్రామానికి చెందిన ఎర్ర బాలప్పగా గుర్తించారు. గాయపడ్డ వారిని ప్రభుత్వ ఆస్పత్రికి తరలించారు, వీరిలో ఇద్దరి పరిస్థితి విషమంగా ఉంది.